الضيقة او الربو Asthme

ayoub amara 08:12

    الضيقة او الربو Asthme مرض مزمن كايصيب القصبات الهوائية والي غايخليها تضياق 

وهاد الشي كايدخلو فيه 2 ديال الحوايج :
- انقباض عضلات القصبات،
- التهاب القصبات، مما يؤدي إلى انتفاخها وكثرة الإفرازات.
من بين الاعراض ديال الضيقة : صفير خلال التنفس . كحة وبالاخص بالليل او فالصباح بكري و من مور ما يبدل الشخص شي مجهود والاحساس بالاختناق بالاضافة لصعوبة فالتنفس . بالإضافة لاعراض اخرى بحال الحساسية (على مستوى العيون الانف والجلد)

 ↔  الاسباب ديال الضيقة بزاف والانواع ديالها مختالفة بزاف وكاتختالف من شخص لأخر . غانحاول نشير لاكثر انتشار
من الأسباب نقدرو نلقاو عوامل وراثية . حساسية لبعض المواد او الحشرات . القطط .... تعفن والتهاب المسالك التنفسية 

  ↔ بالنسبة للكشف فكايكون عن طريق الفحص السريري للمريض بالإضافة للفحص بالأشعة للرئتين والي كانسميوه الراديو دالصدر و قياس التنفس بالإضافة لإجراء اختبارات على الجلد باش تعرف لا كان السبب متعلق بجسم مثير للحساسية .

↔  بالنسبة للعلاج فالضيقة هو مرض طويل الأمد ، ولكن الهدف من علاجه هو السّيطرة عليه والتخفيف من الاعراض ديالو والمحافظة على وظائف الرّئة .

- الأدوية المخففة اثناء النوبة: وهي التي تخفف الربو ،
- الأدوية الوقائية: وهي التي تحول دون أن يحصل ضيق في التنفس وصفير في الصدر، ويجب أن تؤخذ باستمرار وبطريقة منتظمة، وهي عادة تكون على شكل رشاش والي كانسميوه بالرابوز والي هو أحسن دواء للربو لأنه أقل ضرر
Les antihistaminiques من اجل علاج الحساسية

 ↔ النصائح الي خاص تعطى للمصابين . الابتعاد عن التذخين او الاماكن الي فيها دخان . الحلان ديال النوافذ باش تهوا الدار بالاضافة لتهوية الفراش . بالإضافة للابتعاد على المواد المثيرة للحساسية
ممارسة الرياضة بطريقة تدريجية ودون بدل مجهود كبير 

الموضوع طويل حاولت نعطي المختصر المفيد ولا كان عندكم شي تساؤل او اقتراحات خليوهم فالكمنتيرات 

بقلم : د.أيوب عمارة